ya raouf de cheikh dakhfali rahimah ellah

يا لي ما وصفك موصوف       يا الرؤوف       الا باسماءك الحسنى

يا من امرت بالمعروف          يا الرؤوف       بجاه رحمتك ارحمنا

هاد الزمان جانا مهدوف         يا الرؤوف          حمل هموم الفتنة

      

نجينا من الهم وخوف           يا الرؤوف      جود بعفوك و اللطف بينا

 

(ريال)  جود بعفوك وانت العافي                       نرتجاوا العفو منك

           حاشى تخيب و تحافي                         من واقف في بابك

           قادر باللطف تكافي                             ما كان تعطيل في حكمك

          طلبي ليس عندك خافي                         باب الاجابة  ملكك

 

ما خفاك الضاهر والجوف     يا الرؤوف        و لا خفاك ما هو فينا

غاب الحرم ما بقاوا نيوف     يا الرؤوف          خرجت لفعال الشينة

حين صاروا لعقول تلوف      يا الرؤوف          ما بقات فالقلب محنة

كثروا لهروج و الخوف        يا الرؤوف          ما وفيناش الادنى

حشايم والعيوبتحت اللحوف   يا الرؤوف          ابليس يدلل بينا

 

نجينا من الهم و خوف         يا الرؤوف         جود بعفوك و اللطف بينا

 

(ريال) حملنا جميع الضولمات                         المصايب وشهود الزور

         المناكر و المعيوبات                              فالمدون قرية و دشور

         حللنا  الموحرمات                               ميسير خنزير و معصور

         خالفنا  الموطيبات                                عاد الفسق هوا المشهور

 

شاع الربى العباد سخوف     يا الرؤوف                       البخل تربى فينا

المعيشة عادت بخطوف       يا الرؤوف                  حب المال رسى فينا

العباد في طمعة واللهوف      يا الرؤوف                  طاحوا فالقلب الجنة

سموم تتقاطر بين الشفوف    يا الرؤوف              الخبث و البغض عاد هدفنا

 

نجينا من الهم و خوف        يا الرؤوف            جود بعفوك و اللطف بينا

 (ريال) هاد الزمان متحزم                     قاسي بشرار و خايب        

           هجم بنصالوا زادم                    ما ترك فينا اللي تايب

           قايم بالفحش املزم                    والخلق معاو تتناوب

           راح المحرم فالمجرم                  لا شاب اواقر شايب

         

التنوفيق ريتوا بشوف           يا الرؤوف    و الكدب محوط بينا

اهل البدع صفوف صفوف     يا الرؤوف     عاد الحق ما يرضينا

راح اللي مثلي مرهوف        يا الرؤوف     المشاهب لهبت فينا

يا مهدن حال المشغوف        يا الرؤوف      بعد لشرار علينا

ليك عبدك ارفع لكفوف         يا الرؤوف     بعين اللطف انضر لينا

 

      نجينا من الهم و خوف         يا الرؤوف      جود بعفوك و اللطف بينا

 

     (ريال) نرغبك يا رب المعين                   كيف رغبوك اهل النية

              نرغب بجاه الامين                       سيد الرسلى و الاولياء

              باهي السر نور الدارين                 بو الانوار سيد رقية

              نرغبك بفضل الستين                    و المعارف و الانبياء

 

      نرغبك بالعرش و الحروف        يا الرؤوف      نزل غيثك علينا

      بثريا و الربع الصحوف            يا الرؤوف      يا جواد جود علينا

      يوم تكون الناس ارجوف            يا الرؤوف      جود بالرحمة للوالدينا

      اللي حميتوا ما عليه الخوف         يا الرؤوف       يبشر بما يتمنى

      اللي سترتوا ما هو مكشوف         يا الرؤوف      اللي بغيتوا يدخل الجنة

      اجعل مقامي متحوف                  يا الرؤوف      لا شر لا غضب علينا

     لا تسفي وجهي لدفوف                يا الرؤوف      بجاه جاهك نجينا

     الداقفالي راغب لعفوف                يا الرؤوف       ليك امري يا مولايا

      صلاتي و سلامي مردوف         يا الرؤوف       على احمد ولد امينة

      نرغبك في نهايت لحروف         يا الرؤوف        لول انت من هوا بينا

 

      نجينا من الهم و خوف          يا الرؤوف جود بعفوك واللطف بينا

Pas encore de commentaires.

Laisser un commentaire

MUSIC EXCLUSIVE |
thbdwarp |
CORONER COLLECTION |
Unblog.fr | Créer un blog | Annuaire | Signaler un abus | read and heard
| Miouzik 60 et 70
| les humains entre eux