ghab esrour de cheikh dakhfali rahimah ellah

 

الشوق حاز غصني ولهيبي فاصميم قادي         منوا صرت شاكي باكي و مدامعي تغرد

لله غيثوني     حالي   معدو  ر يا سيادي          القلب مزقوه محانوا و انا راه رافد

كما نبات كما نصبح بقرايحي انادي               ولي نعيدلوا بهمومي ما نصيب فيه ساند

عيت ما نخمم و التخمام زادلي نكادي             حتى شيان حالي و الدم في عروقي تكبد

الوقت صار غالب و ان مغلوب طاح جهدي       هاد الزمان جاني هاجم بخصايصو مجند

امري على عدابي اخطف روحي ولاح جسدي     لا حد فادني بمزية لا من جاء يساعد

ما لقيتش لحباب اللي كانو كل يوم عندي           خلاولي رسامي و نكروني و خالفوا العاهد

ليام غير تجري و انا همي على فؤادي             محروم من منامي طول الليالي نبات قعاد

حالي حال الغريب و انا نتناسي في بلادي        هكداك رادلي و كتبلي سبحانه الواحد

من لا ينام مول العزة حكام فالعبادي               كما يريد يفعل في خلقوا ربنا الصامد

اللي عطاه ربي ليه لعباد كلها تنادي                و لي ما عطاهش ربي يدفنوه بلا شواهد

   (  غاب السرور يا ناسي خلى جرحوا في كبادي      قولوا لمن جحدني عليه الله راه شاهد)

 

 (ريال)ناري يا ناري                             من صهد لهيبها رماني نشابي يفور

          باحت سراري                           في صدري شي كان مخبي و لا مضهور

         شاعت خباري                             لقيت قي بعض المجالس خبري منشور

         هاجت فكاري                             صبري في داه الزمان كيف صبر المهجور

هدا غير يبني و يريب ساسوا مندي            هداك فالهناء متهني بنيانوا مشيد

هداك في رياض حبيبوا سالي بخد وردي     هداك من اشواقوا في بحر غراموا غير يصيد

هداك عبيد نفسوا يفتي بالفخر و العنادي       هداك طيبوه محانوا في عظاموا يكدد

هداك بغير كلفة حاكم لطراف ليس يدي        قاري في مسيد المعنى على البلاء محيد

هداك من خيار النسبة من اهل الرشادي       هداك سيرتوا مشطونة يلهث كي العوايد

هداك حنين قلبوا ساخي ما يخاف المبادي     هداك ما فيه محنة عندوا القلب جامد

هداك بالفراوح اياموا كلها  عيادي               هداك ودروا تيهانوا  و زمانوا مسود

هداك ساكنة فيه البخلة بابوا مسدي             هداك ابوابوا محلولة لمن جاه قاصد

هداك شيعتوا في مالوا فموا يقول عندي        هداك يوجد قوتوا و نهار ليس يوجد

هداك فوق كتفوا حامل الظلم و الفسادي           هداك في خشية الله  بكلاموا يجود

هداك ما خلى ما جاب و يقول جيت ندي         هكداك انضرت في طبايع الناس ما لقيت ما نعاود

(ريال) ساعفت اخباري                            وكلت امري تحت امروا مول الامور

         الحي الباري                                 خفف ثقلي و استراح القلب المعصور

        براو ضراري                                خليت الي بغى قتلي مني مكدور

        زهات انواري                               في رياض الجود و المحبة فاحت بعطور

        جاني بشاري                                بخبار الفرح و الهناء و نعايم و سرور

عديت  ما كتبلي ربي و اليوم عاد سعدي          هاد الكلام وافي و لي باقي كلام زايد

بالصدق و الصفى و النية فازت السيادي          الرمز و العبارة هادوا ميزان كل جيد

قراء لزمان عقوبة و الوقت راه غادي              نوصيك يا دماغي استعن بالغني الواحد

ربي فيك رغبي و نويت توفيلي زادي             ولي رغب رغبة فالله ينال المقاصد

نهيت حلتي بصلاة على ضياء ثمادي             و شكرتوا من عطاني من خيراتوا شي فوايد

اسمي نبينوا في رمزي مع نشادي                  رسمي الداقفالي معروف رياضي مورد

 عقلي سليم راجح ما ندري الشوم ما نعادي        نعرف قيمتي ليس يساومها بغيض جامد

سلامي ما خفاش عليكم مرسول يا سيادي         بنسايم الزهلر و الخيلي مجمد.

Pas encore de commentaires.

Laisser un commentaire

MUSIC EXCLUSIVE |
thbdwarp |
CORONER COLLECTION |
Unblog.fr | Créer un blog | Annuaire | Signaler un abus | read and heard
| Miouzik 60 et 70
| les humains entre eux