• Accueil
  • > Archives pour le Jeudi 18 août 2011

Archive pour le 18 août, 2011

el_lazma

لازمة : (الحربة)

 

صـلـــو علـــى العدنــاني عين الرحمــــة نبع لهـــدا و كنز الحســــان

مـــول الطبـــع القرآنـــي صلـــــــى عليـــــه دايمـــــا كــــــــــــــل آن

 

المقطع الأول : (القسم الأول)

 

نستفتـــح طرز اوزانـــي بــــاسم الجلالـــة و الصلا بقلب و لســــان

علــى الحبب المـــدانـــي و الرضى و الرضــوان على آلو الجنــــان

و ســــلام الله الغـــانــــي على الخلفــــا الــــراشدين طـول الحيـــــان

و الأصحاب و الأعيـانــي واللي شــــافوه و صغاو منــــــو ابيــــــان

وبعـــد مـــن يصغـــانـــي هـذي شكايــــة للنبــــي ابهـــاذ الزمــــــان

غادي لو بيهــا عـــانـــي حتـــى للمسجد الشـــريف نـــور العيــــــان

نقــراهالـــو بالســـانـــي مـــا بين القبر أو منبرو الحــــال يزيـــــان

و نقــــول أنور كنــانـــي جيتــك شـــاكي باكي و حاير لي ادهـــــــان

 

الازمة : (الحربة)

 

صـلـــو علـــى العدنــاني عين الرحمــــة نبع لهـــدا و كنز الحســــان

مـــول الطبـــع القرآنـــي صلـــــــى عليـــــه دايمـــــا كــــــــــــــل آن

 

المقطع الثاني : (القسم الثاني)

 

نستغفر للغفـــار سر ولا بجهــار ليا وهل لـــــوزار فـي الزمـــان الغريـــر

نستغفر كل نهار يايمام لنصــــار هل ينفع لستغفـار فــي الزمــان العسيــر

فاتو قالو لبــرار كم من استغفار محتاج للاستغفار حيـــت ذنبــــو اكثيـــر

 

ونـــا شفت من اخوانـــي من شهد بالله وبيك و قـــالهــــا بالســــــان

فــــالتديـــــون مـوانــــي لا صــــلا فـوقتهــــا ولا اصيـــــام إتقــــان

ولا ور تـــرك بلعـــانــــي تـــــــرك شهـــوة فتـــرك أح أنــــا وكــــان

و البعض على العصياني تبعو الهوى الهوى وهواو فالملاهي ازمان

جيتك من شــوق كنانـــي يــا محبوب الرحمن ليك شـــاكي اخـــــوان

بدعـــو فاللهــو الوانــــي الله يهديهــــــم بك حــــالهــــــم يزيـــــــان

 

الازمة : (الحربة)

 

صـلـــو علـــى العدنــاني عين الرحمــــة نبع لهـــدا و كنز الحســــان

مـــول الطبـــع القرآنـــي صلـــــــى عليـــــه دايمـــــا كــــــــــــــل آن

 

المقطع الثالث : (القسم الثالث)

 

هذا هــو المطلـــوب يا طبيب القلوب يالحبيب المحبـوب يــا حبيب الحبيب

حين تنخرق لحجوب بين دوك العتوب ارغب عالم الغيوب ليس يخفاه غيـب

هو يعـفـــو ويثـــوب ما ايخلي لكروب ويصرف ما مكتوب ألطف بالمغـــريب

 

هادو همـــا صبعـــــانـــي على الشبـــاك مشبكيـــن نرجـــا لحســــان

هاهوى دمـــع اعيــانـــي فـــــــوق خدودي هطال كيف هل لمـــــزان

هاني رعشان ابـــدانــــي هانــــي ابقلب خفاق و صدري ماسكــــــان

هاني محمـــوم النــانـــي هانـــــي نـــــار تكـوي لمدافي بالمحــــــان

الله انـــــور اجفــــانــــي مضيـــــــوم جيت مقهور متقل بالحــــــزان

لا تـتركنـــي فهـــوانــــي ولا اتـــــردني خايب لتــــراب الــــوطـــــان

 

الازمة : (الحربة)

 

صـلـــو علـــى العدنــاني عين الرحمــــة نبع لهـــدا و كنز الحســــان

مـــول الطبـــع القرآنـــي صلـــــــى عليـــــه دايمـــــا كــــــــــــــل آن

 

المقطع الرابع (القسم الرابع)

 

يـامن جانــا رحمـا وجاب المراحمــا ارحم هد الأمــا الهـــايــم فالأثــام

وطلب لهـــا نسمـا من المقام الأسما تاتيها من تمـــا تهب بين الغمــام

وتسري من السما لأرضـــنـا ناسمـا فالدار وفالخيما اتيقض الانيـــــام

 

جـــاهد عنــد الـوحدانـــي جـاه مشرف و عظيـــم يا اسراج العيـــان

وحنــا ولـــو عصيـــانــي بــــالله و بيـك نشهــدو فطــــول الزمــــان

ارغب من لا لـــو تــانــي يتــــوب على عصــــاة أمتك بــــالإحسـان

يــــا قــرة كــل اعيــانــي وطلــــب لنــــا ربعـــة تحـد هـــاذ لفتــــان

اتنــــانــي قبــل اتنــانـــي تغنــــى هـــــاذ الأمة رجـــالهــا ونســـوان

اتنـــانـــي بعد اتنــــانـــي ربعـــة بهـــم يـــا مـــالكـي الحــال يزيـــان

 

الازمة : (الحربة)

 

صـلـــو علـــى العدنــاني عين الرحمــــة نبع لهـــدا و كنز الحســــان

مـــول الطبـــع القرآنـــي صلـــــــى عليـــــه دايمـــــا كــــــــــــــل آن

 

المقطع الخامس : (القسم الخامس)

 

هذانــــا للنجديـن صح قولو الزيـن وحنـا مختاريـــن وحــد من الإتنــين

محتاجين للحنين يا اشريق الجبين للرشد فين وفيــن باش لهدى ايبــان

نختارو من نجدين واحد من الإتنيـن يكون طريق الدين والإيمان و احسان

 

يـــامـــول السر الســــاني يـــــاحجيب الحضرة اللاتــــراها اعيـــــان

ارغب قــادم الحســـانـــي ايزودنــــا بـــــالرشد ما اصعاب يليـــــــان

قال افضيل افجيــــرانـــي راه ارشدنــــــا انطالعو احزاب العيـــــــان

ونفقهـــو كــل امعــانــــي فحديث المصطفــــى اوسيرتو كيف كــــان

قلت ارشدنـــا للبيــــانـــي و فقهنـــا فيه حديث سيد جمـــع الكــــوان

لكـــــن احتجنـــــا ثـانـــي لتأييــد اللـــــــي بــه كـــــــاتسير لبـــــدان

فابحـــر جـــــودك رانـــي راجي لأمتك فوطـــانــي همـــة اوشـــــان

امـــــزاك فــالحســـانــــي وفــــــــلالة الزهرة بنتك شمس الكـــــوان

وبأســـــد الشجعــــانــــي علي الـــزاهذ العــــابد سيد هل الحســـــان

 

الازمة : (الحربة)

 

صـلـــو علـــى العدنــاني عين الرحمــــة نبع لهـــدا و كنز الحســــان

مـــول الطبـــع القرآنـــي صلـــــــى عليـــــه دايمـــــا كــــــــــــــل آن

 

المقطع السادس : (القسم السادس)

 

ويلا هاب التأييد من احسانو يزيد عن التأييد التسديد لا تزلــق العبــــاد

ويتكــرم و يزيـد رب غاني امجيد يعصمها من لمريد ويجعلنـــا افــــداد

هذو ربعا فنشيد طلبهم الفــريــد فـــالمدينة و بعيــد عن اتـــراب لبـلاد

 

فـــاس امراحـة العيانـــي فــاس المحبوبة فاس من اشجات الأدهــان

لكــن هنــا مكـــــوانـــــي مـــا بــاقي لي ملجـــأ الغيـــر هذ المكــــان

نتضــرع لمن انشـــانـــي ونتـمــــرغ فتــــراب أرض طــــب البــــدان

ونتـــوســـــل بلســـانـــي وبقلبــــي ومهجتـي أيــــزول هاد الهــــوان

على العــراب الجــوانــي وأهلــــــو هل ليمـــان غيـــر غفلو وكـــــان

يمحي جمـع العصيــانــي ويتــــوب ويعفو ويسمح جـود و احســـــان

 

الازمة : (الحربة)

 

صـلـــو علـــى العدنــاني عين الرحمــــة نبع لهـــدا و كنز الحســــان

مـــول الطبـــع القرآنـــي صلـــــــى عليـــــه دايمـــــا كــــــــــــــل آن

 

المقطع السابع : (القسم السابع)

 

الأجل هذ الربعـا جيت لك نسعـــا لا تخيب لي مسعـا بجـــاه هذ البقيــع

ولا لهأـا خدعــا جــاتني خـادعــا رفعت شاني رفعـا وبان عيبي اسريع

أنا شر من ادعا وساكني ما وعا ولامـــنــي نفعــــا وضان أنا امطيـــع

 

هـــــانـــي عــــود ثـــانـي أتيــت فـــالفجـــر كــــي أتـــاو أهل ليمان

بعـــد الصـــلا تلقـــــانـــي تــــم فبــــاب جبــريــل والنــادي بلســـان

ونقـــول أنــــور اكنـــانـي يـــــاروح راحتـــي يا قرة نـــور العيـــان

نختـــم بالأســــم تــــانــي صـــلا أمواصـــــلا وســلامـــي فكــــل آن

عنــك يــا حبيب الغــانــي وعن ساير الخلاق يـامن جــــاب البيـــان

يــازين الــــزيـن السانــي أمنــــا اهنــــا اوأمــــن ذاك الــــــوطـــــان

جـــاو القـــوم الطغـيــانـي لبلادنـــا وجـابو لينــــا كـــم مـــن فتـــــان

ضهـــــرت للـــــــوانـــــي يبنيـــــو اللــــي هدمــوه فـاتنين لــدهـــان

والسلام في كل احيــانـــي منســـوم بـــالنســــايــم على نــور العيـان

والحبــــاب والجيـــرانـــي واهلــي ولامتــي وجميــع اللـي فلـوطــان

واسمـي فتماـــم اوزانـــي الغـــرابلي الحـــاج احمد كان ففاس كـــان

واليوم في طيبـــة رانـــي فيهـــا رغبت فيهــــا زاوكــــت الله كــــان

ودعيــت بقلب اكنـــانـــي يــــا من اصغالهــــا قول آمين اهن الكنان

 

الازمة : (الحربة)

 

صـلـــو علـــى العدنــاني عين الرحمــــة نبع لهـــدا و كنز الحســــان

مـــول الطبـــع القرآنـــي صلـــــــى عليـــــه دايمـــــا كــــــــــــــل آن

ouelfi hachouma

 

القسم الأول

اَمَحْلاَ لَرْيَـــــامْ لِيلْتْ يْكُونُ فِي حَضْرَا اِيكًَبّْحُ عَلْ لِيمَنْ وَشْمَـــــــالْ

تَتْبَهَا وَتْزِيدْ فَاَلنّْضَرْ وَتْجَدَّدْ لِيعْتْ اَلْقْلُوبْ اَلْمَكْلُومَا

دِي تَفْخَرْ عَنْ دِيكْ بَارْزَاتْ اَفْحُلاَّتْ اَدْبَاجْ رَيْقَــــــا تَشْجَارْ وُتَكْلاَلْ

بَلْهِيبَا وَهْيَاجْتْ اَلصّْغُرْ وَاَلنَّغْمْ اَلدَّاوْدِي سْرِيعَا مَنغُومَا

مَنْ لاَلُ كَبْدَا قَاسْحَا مَا شَـــــــاهَدْهُمْ مَا دَا لهم اِيمَــــــارَا مُحَــــــالْ

اَشْ يْعِيدْ قْلِيلْ اَلصّْبَرْ قَلْبُ هَنَّاهْ مَانْلُومُوهْ اَبْلُومَــــــا

مَعْظَمْهَا فَرْجَا اَغْنَمْتْهَا تَدَّاوَلْ بِهَا اَلْسُونْ لَهْوَ مَا طَالْ اَلْحَـــــــــــالْ

شَلاَّ مَا تَحْكِي اَقْوَى اَكْثَرْ فَرْجَا مَنّْهَا ضْحَاتْ لَوْشَا مَحْرُومَا

غَدَّرْ كَاسِي هَاتْ نُوبْتِي يَاسَقِي وَسْقِ اَلْبَهْيَا زِينَتْ نَقْطْ اَلْخَــــــــــالْ

لاَ تَغْفَلْ عَنْ رَايَتْ اَلنّْصَرْ مَصْبَاحْ اَلْوَلْعَاتْ وَلْفِي هَشُّومَا

القسم الثاني

وَكًَضْ لَلصَّفْرَا اَبْطَالْهَا وَاشْ اَمْنْ اَمْنَامْ اِيزْهَا لْمَنْ زَرُوهْ اَبْلُوصَالْ

كُبّْ اُدَوَّرْ طَاسْتْ اَلْخْمَرْ فَاجِي فَاجِي عْلَى اَلْقْلُوبْ اَلْمَكْلُومَا

لاَ لَدَّا مَنْ دُونْ اَلنّْسَــــا جَعْلْ اللهْ اَكْلاَمْهُمْ يَسْرِ فَلْقَلْبْ اَمْصَــــــــالْ

مَنْ لاَ يَهْوَاهُمْ يَنْعْدَرْ عَايَشْ وَمْعِيشْتُ مْعِيشَا مَدْمُومَا

طُفْ عْلَى اَلْحَضْرَا بْكَسْهَــــــــا شَمَّرْ دِيلَكْ يَانْدِيمْ رَاقَبْ لِيلَكْ مَزَالْ

لِيلَتْ لُوصَالْ لِيلَتْ اَلسّْهَرْ بَكًْرَايَحْهَا اَلْنَاسْ لَهْوَى مَعْلُومَا

شُفْ اَبْنَاتْ اَلْحَيّْ كَاكْوَاكَبْ تَخْطَفْ ضَيّْ اَلْبْصَارْ بَمْحَاسَنْهَا وَجْمَالْ

حُزْ اَحْبِيبَكْ حُزّْتْ الصّْدَرْ حُوزَتْ لَكْرَامْ لِيلْتْ تَمْسَا مَكْرُومَا

غَدَّرْ كَاسِي هَاتْ نُوبْتِي يَاسَقِي وَسْقِ اَلْبَهْيَا زِينَتْ نَقْطْ اَلْخَــــــــــالْ

لاَ تَغْفَلْ عَنْ رَايَتْ اَلنّْصَرْ مَصْبَاحْ اَلْوَلْعَاتْ وَلْفِي هَشُّومَا

القسم الثالث

لاَبَعْدْ اَلسَّلْوَا هْنَا وَلاَبَعْدْ اَلزِّينْ فْرَاحْ فَرْحْتُ مَا يَفْدِيهَا مَـــــــــــالْ

بِهْ الْعَقْلْ اِغِيبْ وِيحْضَرْ وَاَلْقَلْبْ يْبُوحْ بَلْسْرَارْ اَلْمَكْتُومَا

خَضْعْ اَلْطَاعَتْهُمْ يَالسَّاقِي وَالْغَالَبْ لِهْ مَا طْلَبْ قَالْتْ نَاسْ الْحَــــالْ

بِهَا غُلْبْ اَرْجَالْهَا قْهَرْ تَظْلَمْ وِيلاَ اَشْكَاتْ تَرْجَعْ مَظْلُومَا

صَارْ اَلسَّاقِي بَلْهْوَ يْهَادِي حَتَّى وَلاَّتْ كَاتْنَادِي بَلْسَانْ الْحَـــــــــالْ

طَارْ اَحْيَاهَا مَا بْقَا وْقَرْ تَرْقَصْ وَتْشِيرْ بَلْكْمَامْ اَلْمَرْكَُومَا

كُلّْ اَوْنِيسْ مْعَ وْنِيسْتُ مَبْشُورِينْ اَمْخَمّْرِينْ عَزّْ اُرَفْعَا وَكْمَــــــالْ

لاَهَجْرَا لاَتِيهْ لاَنْفَرْ لاَقَلْبْ اَنْكِيدْ لاَجْوَارَحْ مَهْمُومَا

غَدَّرْ كَاسِي هَاتْ نُوبْتِي يَاسَقِي وَسْقِ اَلْبَهْيَا زِينَتْ نَقْطْ اَلْخَــــــــــالْ

لاَ تَغْفَلْ عَنْ رَايَتْ اَلنّْصَرْ مَصْبَاحْ اَلْوَلْعَاتْ وَلْفِي هَشُّومَا

القسم الرابع

كُبّْ اُزِيدْ مْلاَ وُهَاكْ وَرَا يَسَاقِي مَنْ امْدَامْنَا لاَ تَصْحَبْ طَمْطَـــــالْ

رَاحْ الِّيلْ وُعَلّْمْ الْفْجَرْ وَنْظَرْ لَعْسَاكَرْ الدّْحَامَسْ مَهْزُومَا

صَبْحْ اصْبَاحْ انْهَارْنَا وُجَدّْدْنَا لِهْ اسْرُورْ مَالْهَا عَلْ لُوْصَافْ امْثَالْ

لِيسْ اغْنَمْهَا قِيسْ فَلْعْمَرْ فَزْنَا وَسْطَابْنَا افْرَايَجْ مَنْغُومَا

نَادَانَا طِيرْ الَفْرَاقْ بَلْعَزْمْ يْنَادِي مَا بْقَا امْكًـــــامْ الرَّاحَلْ يَحْتَـــــالْ

وَدْمُوعْ الَعُشَّاقْ تَنْهْمَرْ صَبْرِ عَنْهُم كَنْ صَبْرْ الْمَفْطُومَا

وَدَّعْتْ السَّاقِي وُسَارْ وَالْقَوْمْ اتْكَايْدْ فِي جْرَاحْ سِيفْ الْبِينْ الْقَتَّــالْ

رَاحُ كَغُزْلاَنْ لَلْوَكَرْ كُلّْ اخْلِيلاَ مْشَاتْ كًبَّلْتْ الْحُومَا

غَدَّرْ كَاسِي هَاتْ نُوبْتِي يَاسَقِي وَسْقِ اَلْبَهْيَا زِينَتْ نَقْطْ اَلْخَـــــــالْ

لاَ تَغْفَلْ عَنْ رَايَتْ اَلنّْصَرْ مَصْبَاحْ اَلْوَلْعَاتْ وَلْفِي هَشُّومَا

القسم الخامس

الجِّيلاَلِي مَا دْخَلْتْ عُمْرِ لَشْبُوكْ وُلاَ قْبَحْتْ بَقْبَاحْتْ هَلْ لَسْفَـــــــالْ

صَحّْ الْقَوْلْ اِعِيدْ الْخْبَرْ وَقْلُوبْ الْخِيرْ لَسّْعَادَ مَلْهُومَا

وَالْجَاهَلْ يَكْفِيهْ غَلّْ جَهْلُ وَالْجَاحَدْ لَجّْحِيمْ وَالْحَاسَدْ لِيسْ يْنَـــــــــالْ

صُنْعْ اللهْ الْمَالَكْ الْكْبَرْ مَنْ وَدَّعْهَا كْمَا النّْسَامْ الْمَنْسُومَا

وَنْهَايْتْ لَكْلاَمْ قَالْ عَاشَقْ لَرْيَــــــــــامْ اَلاَّ يْلُ فْعَشْقْ اهْوَاهُمْ ابْدَالْ

مَنْ صُغْرِ وَنَا عْلَى السّْقَرْ خِيلِي وَخْيُولْهُمْ دَِايَمْ مَلْجُومَا

وَسْلاَمْ الْمُولَى عْلَى الْشْرَافْ اُطَلْبَا وَعْدَادْ كُلّْ مَا خَايَلْ كَلّْ اخْيَالْ

وَمَا فَاحْ الْوَرْدْ وَالزّْهَرْ مَا دَامْ السَّرْ فَلْجْبَاحْ الْمَنْعُومَا

غَدَّرْ كَاسِي هَاتْ نُوبْتِي يَاسَقِي وَسْقِ اَلْبَهْيَا زِينَتْ نَقْطْ اَلْخَـــــــالْ

لاَ تَغْفَلْ عَنْ رَايَتْ اَلنّْصَرْ مَصْبَاحْ اَلْوَلْعَاتْ وَلْفِي هَشُّومَا

تمت القصيدة

MUSIC EXCLUSIVE |
thbdwarp |
CORONER COLLECTION |
Unblog.fr | Créer un blog | Annuaire | Signaler un abus | read and heard
| Miouzik 60 et 70
| les humains entre eux